... دیاری نه‌کراو
کۆمه‌ڵگای یه‌کگرتوی کوردی ڕۆژهه‌ڵات - بریتانیا

هاونیشتمانانی خۆشه‌ویست!
خه‌ڵكی تێكۆشه‌ری كوردستان!
کوردانی تاراوگه‌!

 هه‌روه‌ک ئاگادارن له ڕێکه‌وتی‌ 5ی ئوکتۆبر 2007  دامه‌زرانی کۆمه‌ڵگایه‌ک بۆ کوردی ڕۆژ‌هه‌ڵات مان پێ ڕاگه‌یاندن. به‌دوای پێک هاتنی ئه‌و کۆمه‌ڵگایه‌‌، چه‌ند کۆبونه‌وه‌ی دیکه‌  به‌مه‌به‌ستی په‌سه‌ند کردنی به‌رنامه و پیره‌وی نێو خۆیو و کاروباری داهاتوو بۆ ئه‌م ئامانجانه‌  پێکهات که‌ بریتین له‌:

-
پێکهێنانی بنه‌مایه‌کی پته‌و بۆ هاوکاری هه‌رچی زیاترو لێکنیزێک بونه‌وه‌ی حیزبه‌سیاسیه‌کانی کوردستانی، کۆڕو کۆمه‌ڵه کلتوری و مه‌ده‌نیه‌کان، که‌سایه‌تیه‌ سیاسی و ڕوناکبیران وه‌ دۆستانی کورد له‌ وڵاتی بریتانیا.‌
-
ئه‌کتیو وگه‌شه‌کردنی ویست و داخوازی کورده‌کانی ڕۆژهه‌ڵات و سرنج ڕاکێشانی بیروڕای نێونه‌ته‌وه‌ی و هه‌موو کوردی به‌شه‌کانی کوردستان له‌ وڵاتی بریتانیای گه‌وره‌دا.
-
په‌ره‌پێدانی کارو تێکۆشانی کۆمه‌ڵگای یه‌کگرتوی کوردی ڕۆژ‌هه‌ڵات وه‌سه‌ره‌نج ڕاکێشانی کاربه‌ده‌ستانی ئیداری و حکومی بۆ ویست و داخوازه‌کانمان له‌ وڵاتی بریتانیا.
بۆیه‌ داوا له‌هه‌موو هاونیشتمانانی کوردی ده‌ره‌وه‌ی وڵات به‌گشتی و  کورده‌کانی نیشته‌جێ وڵاتی بریتانیا  به‌تایبه‌تی ده‌که‌ین که‌ به‌گوێره‌ی توانا یارو یاوه‌ری ئه‌م کۆمه‌ڵگایه‌ بن له‌ به‌جێگه‌یاندنی ئامانج و ئه‌رکه‌کانی.
کۆمه‌ڵگای یه‌کگرتوی کورد له‌ رۆژی 9ی دسامبری 2007  به‌ به‌شداری نیزیک به‌ته‌واوی ئه‌ندامان پاش هه‌ڵسه‌نگاندنی هه‌ڵس‌وکه‌وته‌کانی ئه‌م دوو مانگه‌ی ڕابردوو هه‌روه‌ها هه‌ڵبژاردنی هه‌یئه‌تی ئیجرایی و کارگێرانی کۆمه‌ڵگاکه‌ی به‌ سه‌رکه‌وتویه‌وه‌ به‌ڕێوه‌ برد.
له‌رێکه‌وتی 14ی دسامبری 2007   کۆمیته‌ی کارگێر وێرای دابه‌شکردنی پۆسته‌کان،   کارو به‌رنامه‌و چالاکی 3مانگی داهاتووی په‌سه‌ند کرد.
ئێمه‌ ئه‌م حیزب،لایه‌ن و کۆروکۆمه‌ڵه‌ی خواره‌وه‌ بۆ جارێکی دیکه‌ش  ده‌ستی برایه‌تی و هاوکاری بۆ هه‌موو کوردێکی نیشتیمان په‌روه‌ر درێژ ده‌که‌ین.
1-      
ئه‌نجومه‌نی فه‌رهه‌نگی و مه‌ده‌نی کورده‌کانی خوراسان
2-      
پارتی ئازادیی کوردستان
3-      
پارتی سه‌ربه‌خۆیی کوردستان
4-      
پارتی سه‌ربه‌ستیی کوردستان
5-      
پلاتفۆرمی نه‌ته‌وه‌یی بۆ ڕۆژهه‌ڵاتی کوردستان
6-      
حیزبی دێموکراتی کوردستان
7-      
کۆمه‌ڵه‌ی شۆرشگێری زه‌حمه‌تکێشانی کوردستانی ئێران
8-      
یه‌کیه‌تی لاوانی دێموکراتی ڕۆژهه‌ڵاتی کوردستان
9-      
یه‌کیه‌تی لاوانی کۆمه‌ڵه‌
10-    
پرۆژه‌ی ژنی کورد
11-    
ڕێکخراوی ماڤی ژنی کورد، ماڤی مرۆف
12-    
کۆمه‌ڵێک سیاست وان و ڕوناکبیری سه‌ربه‌خۆ

سڵاو له ته‌بایی و یه‌کریزیی بزوتنه‌وه‌ی كورد به گشتی و تێكۆشه‌رانی رۆژهه‌ڵات كوردستان به‌تایبه‌تی.
ده‌سته‌ی کارگێری کۆمه‌ڵگای یه‌کگرتوی

کوردی ڕۆژهه‌ڵات (بریتانیا)

17.12.2007

z ڕێکه‌وتی 1-5-2008-14:40 له‌لایان چیا بۆ چوونه‌کان(0) - ?   
بۆ چوونه‌کان ?